Allah Yupu Keluaran pasal 2

\s Allahdi, Ne mawa nesala lyepkamne pepra deipu upu 
\p 
\v 1 Aupu pepu dingeda, Allah er si Yahwehdi Musa tep aupu ton pepu. Ukutaruda, nedi Firaun tep, wenepra kupkamne kecada epkamrume. Ne ila puto pio weik kununa cadi, ne buru puto deiki mambul pel dopnepa, Firaundi Israel nesala loptapkamre. Firaundi, Ne song, tenepredi balila kupkamre dinin, ne puto buru deiki pel dopnepa, erdi Israel nesala tapra, er mutu neitamai di dombenkamre. Allahdi pepu.
\v 2 Aupu pepu dingeda, Allahdi aupu ton pepu. Neda kan nai bo Allah, ne si Yahweh kunune, pepu. 
\p 
\v 3 Neda Abraham cap, lsak cap, Yakop cap, yuk-yuk dinin, sun damai dato-dato di tekra peryakaramsi taruda, Allah akeca-keca yuma deiki tara, Ila Puto Ngebo kupra yakaramsipa, kael keamnei. Dinino, sun kori peryakaramsi taruda, ne pe si Yahweh jenek men peramsi. Sunda ne pe si Yahweh men gekepra kael keamnei. 
\v 4 Nedi Israel nesala, sun co puna neng tep, Israel nesala tep, Kanaan mutu karepkamsene. Amutu yumada, sun talemengedi, amutu sun pe mutu kupkamre pepra, deiamsidi, Kanaan mutu neitamai dubesisipa, dakurami dinin, ataruda amutu sun pe mutu kapul men kurure. Ataruda, sun co puna neng yumada, tali tengyakan neng kurami utopu tupa kununge. 
\p 
\v 5 Ukutaruda, Mesir nengdi Israel neng tep, ila ikin pel dimamengepa, doramengedi, mali peramenge ngeda, konum gekepsi. Tonda tupa gekenune. Tonda, nedi sun tep, Ne mawa nesala kupmengepa, aneng tep, pio telep mutu karepkamsene tenen, Ukupkamsene pepra, pedina upu peipsisi ngeda, tupa tenenune. Allahdi pepu. Upepudi, aupu ton pepu. 
\p
\v 6 Ange tep ngeda, Israel nesala yuma tep, upepkamrume. Allahdi upeserure, Neda sun Nai Bo Allah, ne si Yahweh kunune. Ne pe puto deiki di, Mesir neng sun nong deiki ikin pel weik dimsengenge neitamai ngeda, lyepropkamsene. Ada, ne pe puto cap, ila mambul keca kupkamnenge cap deiki di, Mesir neng wenepra popnedi lyepkamsene. 
\v 7 Ukupne taruda, dopropsenedi sunda ne nyapu sisa kunkamrume. Neda sun Nai Bo Allah kunkamne. Ukupne deiki di, sun kael keprumudi, Uo tek sisa Yahweh, erda nun Nai Bo Allah kuserure. Er puto deiki dipu, Mesir mutu ikin pel doramepua neitamai di lyepramseue tenen, kael kepkamnerume. 
\p 
\v 8 Tonda, ne buru erepsidi, Abraham cap, Isak cap, Yakop cap tep, Amutu tek sisi karepkamsene, pepra, pedina upu peiamsi ngeda, sun Israel nesala yuma dopra, amutu dubenkamsene. Ukupnedi, amutu yuma karepsenepa, sun pe mutupu pio kunkamre. Deiyoda, Ne sun Nai Bo Allah, Yahweh kunune. Allah er si Yahwehdi Musa tep pepu. 
\p 
\v 9 Allahdi Musa kori pepra deiamunge yumada, Musadi Israel nesala kori bena lap pepupa, Israel nengdi er upu gekepi dinin, teka men tenepi. Ada ikin pel doramiya tep, mambul kange doupra kuramya deiki di, dipru boun kupupa, teka men tenepi. Musadi tali upu pepmasere tenepi. 
\v 10 Ukupipa, Allah er si Yahwehdi tamupra Musa tep pepu. 
\v 11 Mesir mutu ila deiyo ngebo Firaun kori bena pepkurume. Israel nesala tapmempa, Mesir mutu di tapra, gopra yukai benkamenge, pepkurume, pepu. 
\p 
\v 12 Upepu dinin, Musadi tamupra Allah er si Yahweh tep pepu. Israel nesala ne upu men gekepnenunga utopu, Firaun peda er kori tali peptenya peda, ne upu ikin di penuna cadi, Firaundi ne upu men gekepkamnere, pepu. 
\v 13 Allah, er sida Yahwehdi, Musa cap, Harun cap tep, mambul upu pepra deipu. Tonda, Mesir mutu deiyo ngebo Firaun cap, tonda sun Israel neng yuma cap tep, upu lap pepu. Upepu dingeda, sun Musa cap, Harun cap tep, upepu. Musa kan cap, Harun cap konum wepra deiamsiya deiyoda, Israel nesala yuma doupra, Mesir mutu di loptapra dubenkamrerume, Allahdi pepu.
\s Musa cap, Harun cap, sundi deipdanen baraminge tep, pepu upu
\p 
\v 14 Simeon er nerda, Kanaan mutu ner domu. Sun nyapuda, sal nyapupu ngantan bari neng deiamrei. Anyapu sun sida, ake. Ada, Yemuel cap, Yamin cap, Ohat cap, Yakin cap, Sohar cap, tonda, Saul cap deiamrei. Sun anengda, Simeondi deipupa, dadeipgerekdanen, barami neng, sunda Simeon er yala 
neng, sun co puna nengpu kurami.
\v 15 Lewi er nyapuda, sal nyapu weneri deiamu. Sun aneng sida ake. Gerson cap, Kehad cap, Merari cap, deiamu. Sun anengda, Lewi yala nengdi deipipa, dadeipgerekdanen barami neng, sun co puna nengpu kurami. Lewi er gam kuramu keteng tamun dengeda, 137 tahun kuramu.
\v 16 Gerson er nyapuda, sal nyapu butene deiamu. Sun sida ake. Ada, Libni cap, Simei cap, deiamu. Sun anengdi deipreipa, dadeipdanen barami nesala yumada, pio weik kupbarami. 
\p 
\v 17 Kehatda, sal nyapu dumbari deiamu. Aneng sun sida ake. Ada, Amran cap, Yishar cap, Hebron cap, tonda Usiel cap deiamu. Ukupudi, Kehat er kuramu keteng tamun dengeda, pio weik, 133 tahun kuramu.
\v 18 Merarida, sal nyapu butene deiamu. Anyapu sun sida ake. Ada, Mahli cap, Musi cap, deiamupa kuramrei. Sun aneng yuma, sundi deipgerekdanen baramrei ngeda, yuk-yuk dinin, sun yumada Lewi yala ngebodi deipupa, dadeipdanen yakarami neng kurami. Atep sun yumada, Lewi yala nengpu kurami.
\v 19 Tonda Amramdi, er kabo nermi Yokhebed dopu. Konum dopdarei dingeda, anerdi Harun cap, Musa cap deipu. Amram er kuramu keteng tamun dengeda, pio weik, 137 tahun kuramu.
\v 20 Yisharda, sal nyapu weneri deiamu. Sun sida ake. Ada, Korah cap, Nepek cap, Sikri cap, abutene nengpu deiamu.
\p 
\v 21 Ange utopu, Usieldi sal nyapu ton, weneri deipu. Sun aneng sida ake. Ada, Misael cap, Elsapan cap, Sitri cap deiamu.
\v 22 Tonda, Aminadap er ner mi Elisebada, Harundi dopu. Tonda, Elisebada, ada Nahason er malner kuramu. Harun erdi aner dopupa, anerdi deipu nyapu sun sida ake. Ada, Nadap cap, Abihu cap, Eliasar cap, Itamar cap deiamu.
\v 23 Korah dingeda, sal nyapu weneri deipu. Sun sida ake. Ada, Aser cap, Elkana cap, Abia cap deiamu. Sun aneng yumada, Korah erdi deipupa, dadeipdanen barami yala neng yumada, sun co puna nengpu kurami.
\v 24 Harun er mi Eliasardi, Putiel er ner mi tenpu ton dopu. Ukupudi, aner dingeda, Pinehas deipu. Sun asekmap neng yumada, Lewi yala neng, sundi deipipa, dadeipdanen yakarami yala nengdi deipi neng kurami.
\p
\v 25 Uda, Allah Yahwehdi Harun cap, Musa cap tep, "Sundi Israel nesala, Mesir mutu neitamai gung pio weik kunung nesala yumada, adipapu doupra, Mesir mutu neitamai di doupra, Kanaan mutupu dubenkamrurume," pepra deiamu.
\v 26 Ada Musa cap, Harun cap, sun dipapu, aupu doupra, Mesir mutu neitamai yuma taleamu ngebo, ila nimi deiyo ngebo Firaun damai bereidi, aupu pemreipa, Firaundi, "Telepe," peipu pangeda, sundi Israel nesala yuma, Mesir mutu neitamai di doupra, Kanaan mutu dubenamrei. Ada, Allah Yahwehdi, "Ukupkurerume," pepra deiputopu kuprei.
\s Allah Yahwehdi, Musa cap, Harun cap tep, "Ukupkurerume," pepra deipu upu
\p
\v 27 Musa Mesir mutupu tupa kuramu taruda, Allah Yahwehdi, Musa tep yana peipu.
\v 28 Musada Mesir mutu neitamai tup kuramu taruda, Allah er si Yahwehdi Musa tep pepu. 
\v 29 Ne sida Yahweh, neda Ila Deiyo Ngebo Allahdi pepkene. Ne pepmaken upu yuma dopra, Mesir mutu ila nimi deiyo ngebo, Firaun er kori lap perberume. Akeca-keca yuma talepra kurya deiyo ngebo Allahdi pepmakere, pepra lap perberume, Allahdi pepu. 
\p 
\v 30 Dinino, Musadi tamupra Allah Yah

Allah yupu buku.gif